Li Qersa ku wekî "Bajarê Tabyayan" tê naskirin, bi dehan tabyayên dîrokî yên ku şahidên herî zindî yên şerên Osmanî-Rûs bûn û di parastina bajêr de roleke krîtîk dilîstin, ji ber bêxwedîtî û xemsariyê li ber qedandinê ne. Ev mîrasa leşkerî ya mezin ku divê bihata parastin, niha ji aliyê şivanan ve wekî kutafe û kûmên ajalan tê bikaranîn
| Dîwar Hatine Hilweşandin, Dergehên Dîrokî Hatine Xerabkirin |
Ev avahiyên dîrokî yên ku di dîroka parastina Qersê de şopên kûr û pîroz hiştine, bi salan e ji ber bêxwedîtiyê bedeleke giran didin. Piranîya tabyayên ku li navenda bajêr û li derdorê belav bûne, wekî xirbeyan lê hatine. Ev avahiyên ku di heman demê de bûne hedefa nêçîrvatên xezineyan, dîwarên wan hatine hilweşandin û dergehên wan ê ketinê yên dîrokî bi temamî hatine xerabkirin
Di Nav Hewşa Dîrokê De Ajal Diçêrin
Ev xalên stratejîk ku beriya bi sedsalan li dijî dorpêçkirina dijmin sîngê xwe dabûn ber fîşekan, niha bûne war û stargeha şivanên herêmê. Hinek tabyayên ku bêxwedî mane û deriyên wan vekirî ne, bûne cihê xwedîkirin û çêrandina heywanên hûr û gir. Dagirtina ode û korîdorên ku şahidên dîrokê ne bi dax û tezeqên ajalan, dilê her kesî dişewitîne
Erdexan Rojname - Rojnameya Erdêxane
