Rojnameya Erdexanê | Since 1995 |
Li Taxa Halilefendiyê ya ser bi navenda Erdahanê, piştî mirina ajelên bi bask (pervaz), di analîzên laboratuwarê de vîrusa xeternak a H5N1 ku di nav gel de wekî "Grîba Çûkan" tê zanîn, hat tespîtkirin. Tîmên Midûriyeta Çandinî û Daristanê ya Parêzgehê li herêmê bi lez xebatên karantîna û îmhakirinê dan destpêkirin û tax ji bo 15 rojan hat xistin bin çavdêriyê.
Şniyên Taxa Halilefendiyê ku ji ber mirina li pey hev a mirîşk û qazan bi fikar bûn, rewş ragihandin Midûriyeta Çandinî û Daristanê ya Erdahanê. Li ser agahdarkirinê, bijîşkên pispor ên veterîneriyê hatin taxê, ji heywanên mirî nimûne girtin û şandin laboratuwarê. Di encama analîzên berfireh de hat piştrastkirin ku sedema mirina heywanan vîrusa Influenza A (H5N1) ye ku pir vegirtî (bulaşkar) ye
