Rojnameya Erdexanê | Since 1995 |
Pêşniyara Qanûna Ser re "Xurtkirina Piştevaniya Neteweyî û Yekitiya Civakî" piştî ku li Lijneya Giştî ya TBMM'ê hat qebûlkirin, di Rojnameya Fermî de hat weşandin û ket meriyetê. Yasa ji 12 maddeyan pêk tê û tê payîn ku bibe bingeha hiqûqî ya pêvajoya nû ya çareseriyê. Qanûn li meclisê li dijî 87 dengên na û 7 dengên bêalî, bi 467 dengên erê hatibû qebûlkirin.
Piştî ku yasa ket meriyetê, Serokkomar Recep Tayyip Erdogan li ser hesabê xwe yê medyaya civakî peyamek spasiyê parve kir û xwest ku qanûn bibe wesîleya xêrê. Erdogan ji bo vê gava dîrokî ya ku ji bo paşeroja Tirkiyeyê ya bi aramî û ewle hat avêtin, spasî li hevalbendê Hevpeymaniya Cumhur Rêberê MHP'ê Devlet Bahçeli, Serokê TBMM'ê Numan Kurtulmuş, koma AK Partiyê û hemû grûpên partiyên siyasî û parlamenterên ku helwesteke avaker nîşan dan kir.
